سلام عليكم الشرطة تعرضوا لعائلتي بطريقة حتى لو كنا تحت الاحتلال ماعتقد يتم الاستخفاف بالناس لهذي الدرجة!!
مراة محتشمة و وقورة و مو صغيرة معاها عيالها( 3 اطفال )6 سنين و5سنين والصغيرة مريضة كانسر بالمخ وحالة دقيقة وحرجة جدا عمرها 4 سنين معاهم الخادمة رادين بيتهم من الزوارة توقفهم دورية بالشارع يبين معاهم ان الخادمة (منتهية اقامتها) من غير اي نقاش او الاكتفاء بالتنبيه والتحذير او حتى طلب التوقيع على تعهد بتعديل الوضع وهو الاجراء المعمول فيه.
يسحب الخادمة (مراة هندية مو صغيرة بالعمر و لا عاندت او قاومت ) ويرعب الصغار لي الحين اليوم ثالث يوم مصدومين و مايبون يطلعون من البيت..!
ويقول حق المراة ييبوا جوازها و نسلمكم اياها انشالله (كذب رخيص و خسة و نذالة) كل شوي يتصل لين ودينا له الجواز ( اختفى اللي كان يتصل كل شوي ) وتغير الكلام.!
باختصار السبت 8 الصبح سلمناهم الجواز بالمخفر، 8 بالليل اتصلت علينا الخادمة قالت انها في مكان ثاني شلون اعرف هذي وينها الحين !
الاحد الصبح راجعت ودفعت الغرامات وتم تعديل الوضع لكن ماقدر اخلص واجدد لانهم خذوا الجواز وبعد فرفراة 5 ادارات واماكن حصلتها في مخفر ثاني و العجيب ان في العادة اول ما يستلم هالحالات المخفر يتصل عالكفيل عشان يحضر ويوقع تعهد بالتجديد خلال وقت معين بوالشباب ماتصل علي ومو عاجبه اني رايح اسأل عنها قالي حولناها الابعاد و انتهى!!
قلتله يبه اخاف في غلط عندكم المراة بس منتهية اقامتها و دفعنا غراماتها وعدلنا وضعها مع الجهة اللي طالبتها واللي اساسا المفروض تتحول حق الجهة اللي منزلة الاجراء على الخادمة وانا يايكم منهم و هذا ما يثبت باقي بس استلم الجواز واروح خدمة المواطن اجددلها..
يقول مستحيل تطلع !
وفعلا حولها سجن الابعاد بعد اقل من 12 ساعة و سقط الاقامة و نزل منع الدخول والحين جاهزة للتسفير!
في اقل من 24 ساعة جذي يعفسون حياتنا فوق تحت بكل قلة ادب وضراط و مهزلة!
راجعتهم يقول لي روح مادري وين و اكتب استرحام وانت وحظك!
قلت له عفواً ! اخوي حتى بالقرون الوسطى ما صارت هالسالفة حق احد!
اللي يطلع منه كل هالظلم والاستخفاف هذا وين يعرف الرحمة عشان اطلب منه استرحام!
فوق هالمصايب والتدمير اللي ماله اي مبرر ولا داعي وقسما بالله ان اول مرة بحياتي ادخل مخفرهم وللامانة مافي احد قل ادبه ولا فقد اعصابه اهم بكل برود مع شوي احترام يعني احترام كاذب بس كلام لكن الاجراء في وادي والقانون وابعرف والمرجلة في وادي ..
يعني مجرد ان في اقل من 24 ساعة المراة تتحول من مخفر لي مخفر لي سجن الابعاد و المخفر مايحاول يتواصل مع الكفيل هذا الظلم ويحولها والابعاد يستلمون و لا كأن في سستم واضح جدامهم ان ماعليها شي ولا قضية مجرد اقامة منتهية وتم دفع الغرامة وتعديل الوضع، وفوق هذا كله، اطلب استرحام وانت وحظك..
هل هذا طبيعي اللي صاير! وين الواحد يروح بهالموقف!
يلعن ابو المذلة
واقسم بالله هذا اختصار شديد والله انا ماقلت شي بس مازدت ولا حرف.
ياريت في احد يعرف له ريال شريف وفي موقع يقدر يتدخل يساعدنا ويطلعنا من الجحيم اللي قلب بيتي وصعق عيالي ودمر نفسياتنا فجأة خل ترجع هالمسكينة اللي 7 سنين معانا وماتعرف غيرنا بهالديرة
واسف عالازعاج اخوي💐
المتجاوزين على حق المواطن، رئيس مخفر جليب الشيوخ و قائد المنطقة.
سبب عدم التجديد، الخادمة وصلت شهر يناير 2024 وبعد وصولها باقل من اسبوع تنتهي اقامتها قدمنا طلب الفحص الطبي وماخلصت نتيجته الا اسبوعين
وانا بعد وصولها بيومين ثلاث سافرت اكمل علاج بنتي المريضة بكانسر بالمخ و مارجع الا بعد 6 شهور و حاول اخوي يكمل تجديد اقامتها رفضوا طلبوني كوني الكفيل وماكنت بالديرة وبعد مارجعت كانت مغرمة وتواصلوا معاي من شهر مباحث الاقامة ورحت لهم وقلت لهم بعد الاختبارات الثانوية راح اجدد لها وقالولي معاك وقت على كيفك و على راحتك وشالوا القاء القيض من عليها.