سد حلجك !!
سد حلجك .. إيه نعم سد حلجك لا تسأل، لا تنتقد، لا تتنفس بصوت عالي إنت عايش في " بلد ديموقراطي" .
طبعا لان الديموقراطية عندنا مثل لوحة ديكور في الصالة حلوة للزينة بس ما تنفع للاستعمال اليومي .
والدستور صار مثل ورقة التوت اللي
السلطة يوم يحتاجونها يتسترون فيها ويوم يزهقون منها يدوسونها عيني عينك وبعدين يقولون لك " احترم القانون انت في بلد ديمقراطي .
طبعا القانون اللي على مقاسهم يلبسونه يوم و يفصخونه يوم وإذا تكلمت قالوا لك سد حلجك لا تصير بطل علينا انت تفهم اكثر من السلطة؟.
سد حلجك ولاتعترض على طوام المضطرب فهد اليوسف الذي يعبث بالمشهد العام دون محاسبة طبعا لأنك في بلد ديمقراطي .
سد حلجك حتى لو سحبنا جنسيتك ودمرنا وجودك ، سد حلجك اذا سجناك او قطعنا رزقك او حتى ضيقنا عليك الوسيعة طبعا لأنك في بلد ديمقراطي .
سد حلجك لأنهم يخافون من رأي المواطن العادي أكثر من خوفهم من فساد كبارهم وكأن المواطن قنبلة موقوتة بينما الفساد مجرد تفاصيل صغيرة.
يا جماعة الخير ما في بلد يتعدل إذا الناس سكتوا الصمت مو حكمة الصمت موت بطيء والي يقول لك "سد حلجك" تراه خايف من صوتك أكثر من خوفك منه.
بقلم ..
بوصباح